اليوم الأول آش نقول
فرشت الارض عرض و طول
و بفرحة قلبي الكبيرة
حلامي ركبات عالخيول
*-*-*-*-*-*-*
الاول كان قصير
اقصر من ريش د أصغر طير
لكن فعمري و حسابي
وزنو فات حسابي بكثير
*-*-*-*-*-*-*
و جا بعدو اليوم الثاني
فسابع سما و لقاني
حكم و نفذ حكامو
نزلني لعذابي ثاني
و فين لقاني خلاني
*-*-*-*-*-*-*
رحل عن قلبي و مكاني
نساني و نسى عنواني
موتني
و دفن
و قسى
و مشى ضاحك بالو هاني
*-*-*-*-*-*-*
لا عرف فين خداني
و لا فين و كيف رماني
و اعتابر عمري محطة
غادرها فاليوم الثاني
*-*-*-*-*-*-*
صار لي فحياتي ساعات
بدل و غير حاجات
و سخن البيت البارد
ركانو لحزينة ضوات
*-*-*-*-*-*-*
و أنا قلبي صبي يا ناس
و فات الجوهر بالإحساس
لقاوه عطشان سقاوه
شرب و داخ بأول كاس
*-*-*-*-*-*-*
الحب الأول شهد حلو
إلى بسال ترقص لو
و إلى طغى و تجبر و قسى
سمح لو أو لا تسمح لو
*-*-*-*-*-*-*
و قسى و تجبر عليا
تبعت خيالو هرب ليا
و الدم العاشق يتساءل
و يبرد فالقلب الكيات
كلمات اليوم الاول
العرض العادي
